Pako fakirra, bere bigarren abentura liburu honetan, jaioterrira itzuli da, Pakistanera, etxekoak bisitatzera. Herrira iritsi orduko konturatu da, ordea, zerbait oker dabilela: etxetik hasita denak daude gaixo, tripetatik gaixo. Amak argitu dio Pakori errekako ura kutsatuta dagoela eta mendi gainean bizi den Zokomokordo erraldoia omen da egoeraren erantzulea. Pako fakirrak bere gain hartuko du herria ataka estu eta larri horretatik libratzeko balentria.