Eusko Jaurlaritzako Euskara Sustatzeko Zuzendaritzak egin du ipuinen bikoizketa euskaraz. Haurrentzako lau ipuin motz dira, eta lehendabiziko ipuinak ematen dio izena bideozintari. Alegia bat da lehen ipuintxo hori. Beste hiru ipuinak Ilargiko Gizona, Patrick eta Kapelua dira hurrenez hurren. Hirugarrenak ez du hitzik, musika da bakarrik. Agian, horregatik erabiltzen dira marrazkietan kolore bizi-biziak. Bestalde, ipuinetako esaldiak motzak dira, ondo ahoskatuak. Adiskidetasuna, injustizia, naturarekiko maitasuna, txiroenganako elkartasuna bezalako gaiak aitatzen dira ipuintxo hauetan.