Euskal herrietan gorderik daukagun tradizioaren altxorra ekarri eta plazaratzea da Ikastolen Elkarteak eta Labayru Ikastegiak elkarlanean bultzatu eta moldatu duten bilduma hau."Hou Pitxu hou!" izeneko bigarren agerraldi honetan Kandelario, Santa Agada eta ihauteri sasoiko errito, ohitura eta kantuak azaltzen dira, tokian tokian jasotako irudi eta lekukotasunekin.
Bilduma honetan kaleratu diren aleekin eta ondoren, hurrenez hurren, agertuko direnekin, urteko ziklo tradizionalaren erakustaldi oso bat eratuko da "Urte-sasoiak" izenburupean.
Bideo honekin batera, eta honen osagarri, liburuska bat eta doinu-euskarrian Amaia Zubiriak moldaturiko lana agertu dira.