Malgudi Indiako balizko hiri bat da, R.K. Narayanek bere eleberri eta kontakizun laburretan sortua. Haren lan gehienak hiri horretan kokatuak dira, bere lehenbiziko eleberritik hasita.
Narayanen kontakizunetan Txekhoven idazkeraren sinpletasuna eta umorea aurkituko ditugu. Faulknerrekin ere konparatu izan dute, herri xehearen bizitasunaren gorespena eta begirada maitekorra nabarmen dituelako. Jende arruntak mundu aldakor batean egiten zuen bizimodu arruntari buruzko kontakizunak dira. Idazkera sinplea, arrandirik gabea eta argia da Narayanena.
Eguneroko bizitza du literatur gai, nahiz eta ipuin indiarretara eta folklorera jotzeari muzin egiten ez dion. Baina ez da exotismoaren bila ibiliko. Ez du behar. Eguneroko bizitza ere aski txundigarria izan daiteke.