Euskal Herri tradizionaletik datozkigu egun hauetako ekitaldi zaratatsu eta sutsuak, etimologiari estu-estu helduta: euskal herritarrok ez ezik, hurreneko eta urruneko milioika lagunek ere bilatu dute Neolitoaz geroztik eskasia hauei emateko ospakizunak egiteko aitzakia: gauezko liturgiak dira batzuk (Santa-eskea, Kaldereroak), egun argikoak besteak (zanpantzarrak, danborradak) baina denetan xedea bera da: Ama Lurra itzartzea, esnatzea, jakitegian zegoena agortzen hasia baita eta soroa, larrea eta baratzea antzu antzean dautzalako. Alerik ez, alegia...