Oscar Wilde hil eta hamabi urte geroago, haren maitale handiena izandako Lord Alfred Douglasek Wilderen De Profundis idazlan ezagunaren pasarte lazgarri batzuen berri izan zuen. Haietan, Wilde handiak lord gazteari prtesondegira eraman zuen hondamendiaren errua egotzi, eta idazten ez uztea eta bere diru guztia gastaraztea aurpegiratu zion.
Espero zitekeenez, Lord alfred Douglas biziki haserretu zen, "gezur pila galanta" omen zenaren aurrean. Suminduta, bere egia kontatu eta zabaldu nahi izan zuen. Haserrealdi haren emaitza da Oscar Wilde eta biok, lehenbiziko aldiz 1914an argitaratu zena. Oscar Wilderen biografoek dagoeneko askotan adierazi dute bi aldeetan ikusi behar dela egiaren zati bat. Ziur aski hala izango da. Hiria argitaletxeak gaur, Aitor Arana idazleak itzulita, Oscar Wilde-Alfred Douglas maitasun/gorroto afera osatzen duten piezetako bat eskaini nahi dio irakurleari.