Duela bi mila eta bostehun urte pasa jaio zen Konfuzio, baina oraindik bizi da. Ez atzoko Txina tradizionalista, ez gaurko Txina modernoa ez dago ulertzerik Maisu handiaren irakaspenak eta eragina kontuan izan gabe. Bere garaian, zatiketa, gerra eta indarraren legea nagusi ziren feudalismo dekadente hartan, bizikidetza harmoniatsuaren giltzarriak erakutsi zituen : elkarren maitasuna, gizatiartasuna, apaltasuna, arlo guztietan neurritasuna, egiazko tradizioarekiko errespetua.