Dimitri txotxongilo bat da eta beraz, nagusiak esaten duena egiten du beti : berak ez du ezer erabakitzen, ez du sentimendurik (edo agian bai baina ez ditu azaleratzen). Egun batean, ordea, poza, tristura, bakardadea... sentitzeko gai dela jabetzen da, eta aske bizitzeko desioa suspertuko zaio. Dimitrik erabakia hartu du : lotzen dituen sokak hautsi eta libre bizi nahi du. Ilustrazioetan azaltzen den pertsonaia bakarra Dimitri da eta marrazkietako perspektiba desberdinen aukerari esker, erraz atzematen da txotxongiloaren baitan gertatzen den aldaketa.