Haur baten hazte prozesuaren inguruko gertaerak biltzen dira Aitona maitea liburuan. Gutun baten bidez, haurrak aitonari kontatuko dizkio hazi eta handitu ahala zenbat gauza egiteko gai den. Egileak kutsu errealistaz jorratuko ditu haurrak egiten dituen aurrerapausoak, eguneroko kontuen kronika moduko bat osatuz. Ilustrazioak oso adierazkorrak dira, orriz orri haurrak kontatzen duena ilustratzeaz gain, bere etxea, familia eta eguneroko bizimoduaren bestelako adierazpen etengabeak ere agertzen direlako.