Euskadi Irratian entzuten dugu haren ahotsa. Libanotik jarduten du, Ekialde Hurbileko berriak ematen. Alabaina, ez omen da berriemaile, analista baizik. Hantxe bizitzea du abantaila. Bertatik bertara ezagutzen du inguruko errealitatea, bertan murgil eginda ari da, bertako bezala. "Albiste on gutxi sortzen da gure alderdian", entzun izan diogu inoiz. Min horixe helarazten digu irrati bidez hitz egiten digunean. Aurrez aurre izan dugunean, berriz, analistarik puruenaren pare jardun du, mundua aztergai.