Album ilustratu honetan, umorez azaltzen zaigu, haur batek erabiltzen dituen irudimenezko amarruak berak nahi duena lortzeko. Izan ere, Ameliak txakur bat nahi du eta aitak ez du aukera aztertu ere egiten, egunkari orrien atzealdean ezkutaturik. Orduan Ameliak bestelako aukera harrigarri asko aurkezten dizkio aitari, bata bestearen atzetik: arranoa, zaldia, elefantea... Aitak ezin dio aurre egin erasoari eta haurrak eman dizkion aukera guztien artean, txakurra onartzen du etsipenez; hau baita bidezkoena. Irudiak eta testuaren arteko lotura trinkoa da; bertan, jostailuzko animaliak kolore eta forma zoragarrietan eraldatzen dira, Ameliaren grina eta eskaera tematia azalduz. Komentario zorrotz eta ikuspuntu ironikoak tartekatuko dira liburu guztian, bai irudien bidez, baita erritmoz beteriko testu baten bidez ere.