Ipuin ilustratu honek, tonu umoretsu batean, animalien eta pertsonen arteko antzekotasunak azaltzen ditu. Hitz-jolasen, kolore-jolasen eta testuaren eta ilustrazioen arteko jolasen bidez, istorio bitxi bat gauzatzen da.
Guztia Zoo batean gertatzen da. Gauero, zaindariak ateak itxi ondoren, bertako animaliek ihes egiten dute hirira. Momentu hori aprobetxatzen du azeriak bertan sartu eta jatekorik ba ote dagoen bilatzeko. Halako batean, azeriak eguna bertan pasatzea erabakitzen du eta ikusten duena kontatzen hasiko zaigu. Eta nola ez, laster iritsiko dira ezusteak...