Euskaraz bizitzea ezinbesteko baldintza da noski bizitzaren munduak euskal erreferentzia izaera edukiko badu. Espainola izatea ezin dugu ulertu espainieraz bizi gabe. Hizkuntzak gaurko munduan -estatuka eta nazioka eratutako mundua- nazio-erreferentzien esparru jakin batzuen barrutian txertatzen eta errotzen gaitu. Irunen jaio bazara eta espainieraz bizi, badakizu zure bizitzaren erreferentzia-esparru nazionalak -bizitza ekonomikoa, soziala, kulturala, informatikoa, familiarra, lagunartekoa...- espainolak izango dituzula. Hendaian beste horrenbeste, baina frantsesez...