Mende laurdena igaro da Manex Erdozaintzi-Etxart idazle baxenabartarra hil zela. Askorentzat ezezaguna, eta beste askorentzat, berriz, gogoratua eta maitatua izan da, bizitza osoan egindako lanagatik, bai fraide eta elizgizon gisa, bai kultur gizon izan zen aldetik (literaturan, euskararen sustapenean, gizarte alorrean...). Manexen idatziek eta dokumentuek bidaia luze batean eramaten gaituzte. Autoaren barne bidaia batean ez ezik, haren garaiko girora eta gertakarietara ere bai.