1. Craig Venter zientzialariak sortutako zelula sintetikoa dela eta, eztabaida bizia piztu da bioetikaren alorrean. Laborategiko bizitzak epe ertain eta luzera ekar ditzakeen aukeren inguruan aldeko zein kontrako iritziak plazaratzen ari dira egunotan.
2. EHUko Giza Genoma katedrako ikerlaria da Leire Escajedo (Bilbo, 1973). Zuzenbidean doktorea da gainera, eta Bioetika ikasgaia irakatsiko du irailetik aurrera. Venterren aurkikuntza dela-eta hainbatek egindako iragarpen alarmistei garrantzia kendu die. «Beste askotan bezala, aurrerakuntza biozientifiko honekin ere eztabaida sosegatu eta zientifikotik harago dagoen iskanbila sortu da».