1. Euskal brigadistak aurtengo udan ere joango dira beste herrialde zenbaitetara. Bikoitza da xedea ; kanpoko herrietako bizimodua eta egoera politikoa gertutik ezagutzea, eta Euskal Herrikoa ezagutzera ematea. Herrien arteko elkartasuna indartzeko ere bat da. Baina areagotzen ari dira trabak, agintarien ezinikusiagatik.
2. Udarako brigadak antolatu dituzte jadanik Komite Internazionalistek eta Askapenak. 120 pertsona joango dira, aurrekoan baino gutxiago. Helmuga nagusiak, Palestina eta Latinoamerika.
3. Saharako lurralde okupatuetara joango dira Euskal Herriko pertsona ezagun zenbait, Euskal Fondoak bultzaturik. Ekimenaren helburua da hango egoera bertatik ikustea eta hori gizarteratzea.
4. Sahara okupatuan bizi duten egoera bertatik bertara ikusi du Joseba Apaolaza aktoreak. Polizia atzetik izan dute une guztietan. Hilaren 4an itzuli zen Euskal Herrira, iragan asteko ostiralean.