Nola kontatu ditu euskal literaturak lesbianen arteko harremanak ? Nolakoak dira gay pertsonaiak euskal eleberrietan ? Ba ote dago ezaugarri komunik ? Egin ote liteke herri literaturaren irakurketa lesbiko bat ? Existitzen al da gay literaturarik ? Idatzi dute euskal idazleek transexualez ? Nola irudikatzen zituen gizonen arteko harremanak antzinate klasikoko poesiak ? Eta gaur egungoak ? Nola lotzen dira nazioa eta sexualitatea literaturan ? Zein diskurtso osatu dute literaturak eta artea generoaren (des)eraikuntzaz ? Horra hor liburu honen egileak, nor bere talaiatik, erantzuten ahalegindu diren galderetako zenbait. Literaturari -euskaldunari zein kanpokoari- bestelako ertzeak aurkitzera eta irakurtzera gay-lestrans-queer berriak proposatzera datorren liburua duzu hau.