Egunak hogeita lau ordu dituela gauza jakina da. Baina, urriko azken igandeak hogeita bost izaten ditu, ordubete gehiago, hain justu. Martxoko azkenak, berriz, bat gutxiago izaten du. Modu horretan, egun bati ordu bat kenduta eta beste bati ordu bat erantsita, bi ordutegi ditugu urtean: negukoa eta udakoa.
Urriaren 28an sartu ginen neguko ordutegian. Energia aurreztea du helburu ordu-aldaketak, baina nahaste batzuk ere sortzen ditu pertsona batzuengan. Sekuentzia honetan, hainbat azalpen eta testigantza irakurtzeko eta entzuteko aukera izango duzu. Eta bukaeran, zuk zeuk izango duzu zure eskarmentuaren berri kontatzeko aukera.