Odile Kruzetak Euskadi Irratia, Gaztea eta EiTBmusika zuzentzen ditu 1999. urteaz geroztik. Urte hauetan guztietan, teknologiarik aurreratuenak ez duela irrati on bat egiten ikasi du. Digitalizazioaren garaian gaudela dio, baina, giza dohainek berebiziko papera betetzen dutela uste du, ???kazetari on batek jakin-mina, irudimena eta izaera kritikoa izan behar duelako???. Hurrengo lerrootan, 25 urte bete dituen Euskadi Irratiaren bilakaera du aztergai Kruzetak. Garai bateko ametsa errealitate bilakatuta, euskarazko komunikabideen egoera inoiz baino hobea dela irizten du. Hala ere, laguntza publikorik gabe, euskara hutsezko hedabideen etorkizuna ez dagoela bermatuta azpimarratu du.