Andeak, izen hori du Lur planetako mendilerrorik luzeenak. Venezuelatik Txileko muturreraino, Hego Amerika osoa zeharkatzen du. Paraje ederrez beteta dago, eta herri indigena ugari bizi da bertan. Horietako herri batzuk zibilizazio loriatsu ziren antzina, inkak kasu, Machu Picchu hiri galdu eta ia magiko hori eraiki zutenak, alegia. Andeetako tokirik interesgarrienetakoa Txile, Bolibia eta Argentinako mugetako Goilautada da, eta hor tarte handi bat 3.000 metrotik gora egiten da, sarritan 5.000 metrora ere hurbilduz.