1407an Erriberriko jauregitik egindako zur eskaria da abiapuntu historikoa akzio eleberri honetan; ardatz nagusia Burgiko almadiari talde baten gorabeherek osatzen dute. Almadiari talde horrek arrisku eta erronka berriei aurre egin behar die, hala nola: Ezka eta Aragoi ibaien ezusteei, Hetxo bailarako nabatari oldarkorrei eta mugan bizitzearen ondorioz, baita Aragoiko soldaduen jazarpenari ere. Dena den, etxe barruan, Burgi bertan, izango dute almadiari erronkariarrek etsai nagusienetariko bat: Nikolas abeltzaina, eta harekin garbitu beharko dituzte hainbat istilu.