Aurkikuntza handia izan zen Ikerrentzat amonaren logelan aurkitu zuen itsas karakola hura, urrutiko eta hurbileko hotsen gordetzailea. Ipuin honetan argi ikusten den bezala, izugarria da pertsonok dugun komunikatzeko beharra, eta batez ere geure sendikoekin. Bizitzako gertakizun batzuk direla medio, Ikerrek inork baino biziago sentitzen du behar hori. Itsas karakola baten bueltan idatzitako ipuin honek gure bizitza errealeko gauza asko erakusten dizkigu literatura bide hartuta. Ez da irakurtzen hasi orduko bukaera asmatzen zaion ipuin horietakoa. Hasieran hartutako bideak beste bide batera eramaten gaitu. Alde horretatik originala da, ukitzen dituen gaiengatik oso ausarta. Agian irakurle baten baino gehiagoren buruan galdera ikurren bat sortuko duena. Proba egitea onena.