Arantxa Urretabizkaiak datorren astean aurkeztuko du '3 Mariak' nobela berria (Erein). Eskolako lagunak ziren nobelako hiru Mariak. Oso lagunak. Orduan elkarri egindako promesa egia bihurtzen hasiko da eleberrian. Gerrak eta bizitzak elkarrengandik urrundu zituzten hiru lagunak. Txuri, Gorri eta Handi emakume zaharrak dira, baina ez dute horregatik bizitzeko ilusio gutxiago. Etorkizunari begiratzen diote, ilusioz beteta, eta elkarrekin bizitzeko umetako promesa bete nahiko dute.