Edorta Jimenez idazleak (Mundaka, Bizkaia, 1953) Azeria eta Lehoia nobela (Txalaparta) kaleratuko du datorren astean. Baleen berbaroa eta Sukar ustelaren urtea nobelekin batera, Piztien itsasoa trilogia osatuko du Jimenezen nobela berriak. Azeria eta Lehoia nobelako protagonista, Sebastian Zubiletakoa, memoria galdurik, preso iratzarri da Ingalaterrako Weymouth pareko lurmuturrean. Bertatik alde egiteko, Machiavellik printzeari aholkatu zion moduan jokatu beharko du, alegia, azeri eta lehoi, biak aldi berean izanez.