1. Jose Maria Setien gotzain emerituak gidatuko ditu hileta elizkizunak, gaur 19:00etan, Urnietako eliza nagusian.
Errautsak Urnietako hilerrian lurperatu zituzten atzo, Lourdes Iriondorenen ondoan.
2. Ohikoa baino luzeagoa izan zen herenegun Anoeta estadioan futbol derbyaren atarikoan Xabier Leteri eskaini zitzaion omenezko minutua. Haren argazkia markagailuetan jarri zuten ikusgai, baina erdiragarriena Xabierren ahotsa entzutea izan zen : Sinisten dut egunen batean hilen naizela...
3. Berriz ere abenduan, gure bazterrak xuri, elurra Bianditz mendiaren hegal-gailurretan, berriz ere negu atarian, poetaren eskuak izoztuxe, Heriok, gibeleko atetik sartuz, umezurtzago gaitu utzi. Sentipenak, poz eta minak, urrats desbideratuak, galderak... poesia bilakatzen zituena mutuaraziz, isilaraziz kantu mamitsu, indartsu, sinesgarriaren ahotsa. Baina poetaren taupada eraman badu ere, haren hats oparoa gugan eta orotan zabal, emankor, bihotz altxagarri da bizi.
4. Hitz horiekin deskribatu zidan bere egoera Ez Dok Amairuren baitan, poeta eta letragile bezala sartu eta lehen aldiz, Seguran, 1966an eszenario batera igo zenean. «Oso gauza estrainoa izan zen niretzat kantuan hastea».