Poema narratibo edo narrazio poetiko egiturako lan honetan, esklabismoaren gaia lantzen da, baina ohiko ikuspuntu eta topikoetatik aldenduz, istorio gordin bat modu inozente bezain axolagabe batez kontatzen da.
Mariak hamabi urte bete ditu eta bere urtebetetze egunean, esklabo bat oparitzen diote. Mariak ez du inoiz esklabo propiorik izan eta Koko hezten dibertituko da aldi batez, beraz aspertzen den arte. Maria bera da kontakizuna gidatzen duena eta bere ahotik jakingo ditugu nagusi zuri eta esklabo beltzen arteko gatazken zein bestelako gertaera latzen berri.
Idazkeraren bitxitasunak eta bat-batekotasunak are erakargarriagoa bihurtzen du kontakizuna, besteak beste, gairen inguruko irakaspena norberaren esku gelditzen delako.
Zuri-beltzeko ilustrazioak narrazioa girotzeko aproposak dira.