Palestina hotela kronika liburu bat da, Joseba Iriondo kazetariak idazten duen lehenengokoa.
Iriondok Irakeko azken gerra deskribatzen du lan honetan: gudaren zergatia, protagonistak, estatubatuarren iruzurra, gerra-erreportarien bizimodua, irakiarren pairamena. Horretarako hizkera zuzen eta ulerterraza erabiltzen du, behar diren datu guztiak eskainiz.
Irakeko herriaren iragana, oraina eta geroa ulertzeko tresna polita eta entretenigarria da liburu hau, eta, horrekin batera, XXI. mende hasiera honetan herri boteretsuek erabiltzen duten jokabide zanpatzailea eta axolagabea ere agertzen du.