Itsas zabalean, kostaldetik bi kilometrotan, erraldoietarik bat hor dago, xut xuta. Xuri xuria den erraldoi bat da. Egunaz, bere xapel gorri eta gauaz begi zohardi batzueri esker ezaugarri da. Bainan, gure gizandia ez da bakar bakarrik toki hortan. Itsas gizon guziek badakite nor den. Estimatzen eta errespetatzen dute. Ikaragarriko harkaitz zorrotz batzu gorderik daude itsas barnean barna. Untzi kroskoen hurbiletik ferekatzea gustatzen zaie. Baita ere xurgatzea eta han, zolan, puskatzea, kraskatzea. Beren jokoa “hunkitu” - ”urperatu” deitzen da. Erraldoi xuria ez balitz hor, beren denbora guzia joko hortan iragan lezakete, bainan, oroz gainetik irabazten !