Abenturazko eleberri honek uda bateko pasadizoak kontatzen ditu. Ikerrentzat udako planak aldatu egiten dira ikasgai bat gainditu ez duelako. Hori dela eta, gurasoekin pasatzen ditu oporrak Errioxako landetxe batean. Opor astunak iruditzen zaizkion arren, bat-batean misterioz eta sorpresez betetakoak bilakatuko dira Ikerrentzat. Izan ere, hantxe aurkituko baitu ikasgaia suspenditu dion eta hainbeste gorrotatzen duen irakaslea. Bertan ezagutuko ditu Aleix eta Sara lagun berriak, eta baita maitasuna ere. Egunek aurrera egin ahala, ezusteko ikaragarria gertatuko da: Rosalia anderea hilik agertuko da eta misterioa areagotuko. Iker eta bere lagunak ikertzaile eta detektibe lanetan hasiko dira bezeroak aztertuz, haien jarraipena eginez eta euren artean konexio harrigarriak ondorioztatuz. Ikerketak zirrara berezia sortaraziko dio Ikerri eta bere jarrerak aldaketa nabarmena izango du: udako opor aspergarrienak izan behar zutenak aspaldi izandako opor interesgarrienak bihurtuko direlako.