Chillida artistaren biografia eta nozio liburua dugu honakoa. Protagonista eskultore bat izanda, bere artelanekin batera, arte liburutzat ere jo dezakegu.
Chillidaren biografia aitzakiatzat hartuz, bere sormenerako bidea eta artelanen katalogo bat eskaintzen digu. “Jolastegi” bat ere biltzen da: ariketak eskaintzen dira landutako gaien eta abarren inguruan. Bukaeran, liburuan zehar azaltzen diren obren zerrenda bat dago, bakoitzaren fitxa tekniko xume batekin.
Tipografia trinkoa du liburuak eta irudiek haurrek egiten dituzten marrazkien traza dutela esan daiteke.