“Ziklozirkua” bildumako bigarren ale honek Botswanako herri boskimanoaren egoeraren berri ematen digu. Kalahariko boskimanoak Afrikako herririk zaharrena dira. Denbora luzean hainbesteraino zapaldu dituzte, non herri gisa arriskuan baitaude. Beren lurretan diamanteak aurkitu izanak bizkortu egin zuen antzinako kultura horren suntsitze-prozesua. Kalahariko basamortuan bizi da Roy Sesana, buruzagi boskimanoa, “Right Livelihood Award” saria jaso zuena, “Nobel Sari Alternatiboa” esaten zaiona, alegia. Roy Sesanak bere historia kontatuko digu, bere herriarena, hain zuzen. Historia tragikoa, baina hala ere bizirik dirauen eta azken hitza oraindik esan ez duen herri batena.