Amodiozko poemak dira liburu honetakoak: sentsualak eta erotikoak gehienak, hurbilekoenganako maitasunezkoak gutxi batzuk. Edorta Jimenezek lehendabiziko liburua oraintxe 25 urte argitaratu zuelarik, Omar Nabarro izengoitiaz sinatu zuen eta horixe baliatu izan du beti poesiazko lanetan. "Haragizko amoreak" hau poetaren seigarren bilduma da, bere-berea duen ahots nahastezin eta melodikoaz konposatua.