Hil honetan bete dira 30 urte Manuel Irujo hil zela. Haren artxibategia sarean jartzen ari da Eusko Ikaskuntza.
1. Manuel de Irujo politikari abertzale historikoaren artxibategia sarean jartzen ari da Eusko Ikaskuntza, Euskomedia fundazioaren bidez ; aurten, gerra eta erbesteari buruzko atal osoa eskuragarri egotea espero dute.
2. Euskal Herriko historiaren bost hamarkadaren ikuspegi zabala ematen dute Manuel Irujok gordetako agiri eta eskutitzek. Haietan arakatuta, datu interesgarri ugari aurkitu ahalko dituzte aditu eta ikerlariek.
3. Manuel Irujo goiz murgildu zen politikaren esparruan, eta bizitza osoan eutsi zion hartutako konpromisioari. Helburu politikoak beti lortu ez zituen arren, bere erabakiekin asmatu zuela azpimarratu du Josu Chueca historialariak.
4. Euskal Herritik kanpo eman zituen urteetan Irujoren lanak ez zuen etenik izan ; hainbat idazlan argitaratu, eta Euzkadiko Batzar Nagusia sortu zuen.