Antzerkitxo honetan katu eta saguak nonahi azalduko zaizkizu, batzuk besteen atzetik korrika etengabean. Katuak beti gose, sagutxoak beti ihesean.
Irakurtzeko liburua da, baita antzezteko ere. Antzeztekotan, gustuko duzun pertsonaia interpretatzeko aukera izango duzu: katuak, saguak, arrain saltzaileak, sendagileak, baserritarrak, kantariak...
Testuaren zati asko bertsotan idatzita daude eta Narratzaileak (Kantariak lagun dituela) badu nahiko lan.
Zape Katua protagonista ezaguna dugu, gure istorioa orain dela 70 urte Alejandro Casonak idatzitako antzezlanean oinarriturik baitago. Sagutxoak irudikatzeko Perez Sagua, Ton & Jerry eta holako hainbat gogoan izan ditut. Erreferentzia hauek guztiak erabili dira gidoia moldatzearren.