Neguan gaude, eta oso ohikoa da garai hauetan gaixotzea. Gure arteko gehienok katarroak, gripeak eta antzekoak pairatzen ari gara. Nik neuk, urrun joan gabe, ospitalera eraman ninduen bronkitis bat jasan nuen Eguberrietan. Horrelakoekin nagusiak gaixotzen garen gehienetan ez gara gehiegi larritzen, baina beste kontu bat da umeak direnean gaixo jartzen direnak. Eta, jakina, haurrak zenbat eta gazteago, eta gurasoek zenbat eta eskarmentu gutxiago, larridura are eta handiagoa da...