Zorionik beroenak eman nahi dizkiot Patxi Lopez gure lehendakari jaunari, euskarari buruz egin dituen adierazpenak direla eta. Gaurko mundu triste honetan, zinismoa, diruzalekeria, jende faltsua belar txarra baino ugariago dagoen honetan, benetan estimatzekoa da gutxi batzuek behintzat beren bihotza eta burua ez dituztela behartzen sinesten ez dituzten gezurrak esatera. Patxi irekia, tolesgabea, egiatia agertu zaigu, bere irribarre zabal iraunkorra zintzotasunaren ikur erakutsiz.