Philippe Claudel idazle frantziarrak ez zuen libururik kaleratu hogeita hamazazpi urte bete zituen arte, baina ordutik aurrera urtero argitaratu du zerbait, eta film bat ere zuzendu du. Gainera, hainbeste sari irabazi ditu, tartean nobelako Goncourt saria Les Petites Mécaniques liburuagatik, Renaudot saria Âmes grises lanagatik eta Ikasleen Goncourt saria Le Rapport de Brodeck liburuagatik. Euskarara itzuli zaion lehen lana da Linh jaunaren biloba.