Gaita edo dultzaina ezinbestekoa da gure herri eta hirietako ospakizunetan: Dianan, erraldoiekin batera, dantzetan, kale-jiretan... aurkituko dugu gaita beste musika-tresnen artetik nabarmenduta. Gaitak, baina, gaur egun indarrean ikusten badugu ere, izan ditu garai “ilunagoak”. Baina, zorionez, gaita sustatzeko ahaleginean sutsu jardun dutenak ere izan dira: Horien artean, Iruñeko gaiteroak eta Arrasatekoak. Bi lekuetakoak gainera albiste dira : Arrasatekoak, DVD-CD lan historikoa eta gaurkotua kaleratu dutelako; eta Iruñekoak, musika-tresnaren berpizkundearen erantzule nagusienetakoak izan direlako.