1981etik 2000ra bitartean komiki gay eta lesbiko kopuru polita igaro da Euskal Herriko saltokietatik. Irakurleari eskaintzen zaion antologia honetan ez dira denak agertzen, baina egileak agian esanguratsuenak direnak bildu ditu. Komiki hauetako batzuk jatorriz euskaraz sortu badira ere, gehienak gaztelaniaz eta frantsesez iritsi zaizkigu eta, berrikuntza gisa, hemen euskarara itzulita aurkituko ditugu.