1. Gizaki gehienak eskuinak dira, eta duela 500.000 urte ere eskuinak ziren 'Homo heidelbergensis' eta Neanderthalgo gizaki gehienak. Burmuinaren ezker aldeak kudeatzen du gorputzaren eskuin aldea, eta hitz egiteko gaitasuna ere ezker aldean dago gehienetan.
2. Bihar abiatuko da transbordadoreen azkenaurreko misioa. ISSra eramango ditu Endeavourek bost astronauta, Alfa Espektrometro Magnetikoa —partikulen fisikaren arloko esperimentuak egiteko modulu bat— eta ExPRESS garraiatzaile logistikoa —astronautei espazioko hutsean esperimentuak egiteko azpiegitura emango dien plataforma bat—. Eta, handik bueltan, behin betiko hartuko du erretiroa. Discoveryk joan den martxoan amaitu zituen bere lanak, eta Atlantisek uztailean itxiko du betiko NASAren transbordadore espazialen aroa. [...]