Mitogaien hurbilekoa da norgehiagokan apalak handi-mandia edota ahulak indartsua garaitzen duen kontakizuna. Horrela da munduan zehar.
Ama gabeko haur zital eta totel antzeko mutikoak gizon ospetsu, agintadun, elizgizon eta lapurrak indarkeriarik gabe garaitze soilean datza ipuin hauen interes nagusia. Irakurleak ezintasun eta gabeziak uxatzen dituelako atsegin ezkutua nabarmentzen du, nolabait, pertsonaiaren garaipenean bere ametsak txertatuz.
Indartsuen lurraldea izana da Nafarroan Sakana, eta azkeneko jentilen kokagunea delako usteak areagotu egin du herri-jakintzan irudimena. Hori dela eta nabarmena da ipuinetan lehia ekimenean kopurua. Bertan jasotako beste zenbait pertsonaia bitxiren pasarte ernagarriak ere sartu dira bilduman.