Liburu ilustratu hau animalien ahotik agertzen zaigu. Umorezko tonu batean kontatzen zaigu desberdin izatean gure gizartean, batek har lezakeen ordaina. Izaera harrigarria dute protagonistek beren gizartearekiko, beren ohiturek oihaneko legeak hautsi egiten dituzte eta debekatu egiten diete haiek atsegin dituzten denbora-pasak egitea. Alde egingo dute oihanetik eta beste bizimodu berri bat eraikiko dute, hobeto egokituko diren egoera batean. Ilustrazioa oso klasikoa da, marra fina eta akuarela, baina xarma eta xamurtasunez betea. Pertsonaiak emozio eta sentimenduz betetzen ditu.