Liburu ilustratu hau errealismo kritikoaren ildoan idatzita dagoela esan daiteke. Gerran dagoen herrialde bateko neska batek gutun bat idazten du; bertan gerran egoteak suposatzen duena kontatzen dio irakurleari. Bere ezinak, bere nahiak, beldurra, iluntasuna eta bakardadea. Azken orrialdean, berriz, gerra denboran egin ezin den guzti hori bake egoeran egin daitekeela azaltzen du. Ilustrazioek beren lur koloreekin, suntsiketa eta sarraskiaren sentsazioa gerturatzen dute. Marrazkia berriz oso definitua da, marra loditan egina eta espresio handikoa.