Julene Oihanburu bere bizitzaren gurutzebide batean aurkitzen da. Euskal filologia ikasketak burutzen ari dela, ditu-laguntza politaren erdia jaso du Gure Gauzak argitaletxetik : duela gutxi hil den Gaston Berrizar izeneko idazle kasik ahantziaren biografia idatzi beharko du beste erdiaren truk. Gainera, idazle gisa bere lehen ipuina kaleratu du eta arrakasta izaten ari da. Telebistara gonbidatzen dute, egunkarian zutabea proposatzen... Hitz batean esateko, bere adin gaztean euskal kulturgintzaren mundutxoan norbait izatera iristeko bidean da. Dena ondo lihoake, beraz, bere bizitza sentimentala ez balitz hain hitsa. Ezagutu berri duen Ilun Zaldunbide eleberri egile frustatuaren begiradak lagun liezaioke agian autoestima altxatzen. Baina adiskidantzaren eta maitasunaren arteko mugak ez dira beti gaindierrazak. Hori gutxi balitz, biografia idazteko prestakuntza lanak, ustekabean, euskal kulturgintzaren alde ezezagun bezain ilunak deskubritzera eramango du Julene. Hain zuzen, ordurarteko bere ibilbide arrakastatsua galzorian jarriko duen benetako inkesta poliziakoa bihurtzeraino Zaldunbideren laguntzaz eramango duena.