Izenik ez duen herri txiki bat. Mugalde lanbrotsu batean dagoena, hiru hizkuntzatan bizi dena, bere buruaz oso harro dagoena, bizitza eta jokoa ongi bereizten ez dakiena, kanpokoari beti kanpokoa dela gogoraraziko diona, lurrari lotuta bizi dena. Horixe da Arriya-k aurkezten digun kartografia antropologikoa, sentimenduen mapan erraz aski identifikatzen ahal den lurralde mingarria.