Bildumatxo honek XX. mendearen bukaerako hamaika ipuin biltzen ditu. Denak kalean entzundakoak dira, gero idazleak bere erara moldatu dituen arren. ELEA Argitaletxearen "Gaztelilura" bildumaren estreinaldia ere bada.
Istorioak ahozko erregistrotik idatzizkora pasa ditu egileak. Merinok berak gaztetan gustura entzuten eta kontatzen zituen ipuinak dira liburu hau osatzen dutenak. Guztira, hamaika kontakizun.
Ez dira, zehatz-mehatz, leienda urbanoak, baina tartean bada horrelakorik ere. Sagar magikoak ematen dituen zuhaitza, aita-seme hiltzaileak, auto bidaia arriskutsuak, istripu misteriotsua, andre ezezagun batek mutil gazte bati eginiko jazarpen bitxia, erreportari despistatu baten estuasunak, neskatxa baten kontakizun lizunak. Hori dena eta gehiago aurki dezake irakurleak liburuxka honetan; ipuinak, gainera, euskara ulerterrazean idatzitza daude, estilo zuzena erabiliz; euskara ikasten ari den orok eskertuko duen lana da "Kaleko ipuinak".