Joxean Agirrek (Azpeitia, 1949) 'Zwei Frauen (bi emakume)' nobela aurkeztuko du datorren astean, Augustin Zubikarai bekaren laguntzaz idatzia eta Elkar argitaletxeak argitaratua. Literaturak eta emakumeek sentiarazitako pasioek bat egiten dute eleberriko protagonista izengabearengan. Gaztetxotan hasi eta zahartzaroaren atarian, maite dituen andreenganako hainbat esperientzia azaltzen ditu, miresten dituen beste hainbat idazleren imitazioak egitearekin bat. Hirugarren imitazioak 'Idazteko etxea atontzen' du izenburu, eta pasarte hau imitazio horren hasiera da.