Aurkezten dugun DVDan bi ikuskizun eskaintzen dira, biak ere Tanttaka Teatroak eta Kukai Dantza Taldeak elkarrekin diseinatu, landu eta antzokietara eramandako ikusgarriak : bata “1937, GOGOAREN BIDEZIDORRETATIK” izenekoa, (1936ko) Gerra Zibilean Euskal Herritik alde egin behar izan zuten haurren epopeia kontatzen duen istorio koreografikoa, Juan Mari Beltran musikariak 2002. urtean argitaratutako “Arditurri. Gogoaren bidezidorretatik” diskoko musikan oinarritua, eta bigarrena “OTEhITZAri BIRAKA” deritzana (2005), Jorge Oteizaren irudian oinarritutako proiektu interesgarria, non Mikel Urdangarin, Bingen Mendizabal, Rafa Rueda eta Mikel F. Krutzaga musikariek ikuskizunerako bereziki sortutako konposizioak entzun daitezkeen.