2007-ko Itsasuko kabalkada kasik urte osoko lanaren emaitza izan da. Abendotik goiti, lau talde arizan dira dantzen ikasten karraskan, ehun bat dantzari elgarretaratuz. Toberendako aldiz, beste 30 bat antzerkilari errepikatzen arizan dira, Itsasuko besta igandean Erramun Dializazioa auziperatzeko. Horrez gain, proiektu hortan kokatzen den konferentzia bat antolatu da maiatzean "Tobera mustrak Lapurdi barnekaldean" titulupean. DVD horietan atxemanen dituzu kabalkadako filma osoa baita argazki andana bat eta DVD-Rom partean egun hartan banatua izan zen liburuxka.