1. Antton Ezeiza zinema zuzendari eta gidoilaria zendu da bart, gaixotasun larri baten ondorioz, 76 urterekin.
Euskarazko zinemaren bultzatzaileetako bat izan zen 70eko eta 80ko hamarkadeta.
2. Kursaal aurreko terraza batean, siestatik jaiki berri, zigarroa eskuan eta istorio zirraragarriak kontatuz: halaxe oroitzen dut nik Antton, horiek izan baitziren gure zitetako koordenada espazio-tenporalak, berarekin egoteko zortea izan nuen aldi gehienetan. Iluntzen zuen arte, berak «nire piszina» deitzen zuen Wiskhy kopa handia edaten zuen bitartean egon ohi ginen kalakan —edo, hobeto esanda, bera berbetan eta ni entzuten—. Beti gai berdinen inguruan: Euskal Herria, Zinema... eta Euskal Zinema. [...]